सोसल मिडिया
हाम्रो बारेमा
सम्पर्क
सिड्नी । अष्ट्रेलियामा नेपालीहरुको संख्या बढे संगै खेलकुद ,साँस्कृतिक कार्यक्रम ,भेटघाट लगायतका सामुदायिक गतिविधिहरु पनि बढ्दै गएको छ । खेलकुदको माध्यमद्वारा आपसी भाइचारा र सामाजिक सद्भाव कायम राख्दै नेपाली युवा हरुलाई मानसिक एबम् शारीरिक रुपमा स्वस्थ राख्न अष्ट्रेलियामा क्रियाशील स्पोर्ट्स क्लबहरुको भूमिका महत्वपूर्ण रहदै आएको छ ।
यसै सिलशिलामा आफ्नो प्रथम बार्षिकोत्सवको अवसर पारेर द गोर्खा स्पोर्ट्स क्लबले यहि डिसेम्बर २४ तारिख सिड्नीको लाकेम्बा स्थित अष्ट्रेलियन नेशनल स्पोर्ट्स क्लबमा एक दिवसीय प्रथम अजिफाईनन्स पुरुष भलिबल प्रतियोगिताको आयोजना गर्यो । भेट्रान्स (४० वर्षा माथि ) २ टिम ,सिड्नीको १३ र क्यानबेराबाट एक टिम गरि जम्मा १६ टिमले भाग लिएको सो प्रतियोगितामा आयोजक द गोर्खा स्पोर्ट्स क्लबले फाईनल खेलमा सनराइज़ टिमलाई ३-० को सोझो सेटमा हराई प्रथम उपाधि जित्यो ।
यहि प्रतियोगितामा भाग लिन आयोजक क्लबले नेपालका राष्ट्रिय खेलाडी बिशाल बहादुर बिक (पुलिस क्लबका ) लाई ल्याएको थियो भने प्रतियोगितामा दोश्रो स्थान प्राप्त गरेको सनराइज़ टिमबाट नेपालका पूर्व राष्ट्रिय खेलाडीराजु शेरचनले खेलेका थिए । शेरचन बिगत करिव तीन वर्षदेखि अष्ट्रेलियामा बस्दै आएका छन् ।
प्रतियोगितामा सर्वोत्कृष्ट खेलाडि र अनुशासित खेलाडी बिशाल बहादुर बि क, उत्कृष्ट उदयमान खेलाडी शुभमदिशा मगर , सर्वोत्कृष्ट लिबेरो दिवश गुरुगं , सर्वोत्कृष्ट सेटर प्रकाशफाल मगर, सर्वोत्कृष्ट सर्विसर प्रेम के सी र सर्वोत्कृष्ट प्रशिक्षक दिपेन्द्र राई घोषित भए भने सर्वोत्कृष्ट ब्लकरको उपाधि सनराइज़ क्लबका राजु थकाली र सर्वोत्कृष्ट स्पाईकर छन्त्याल क्लबका तिलक छन्त्यालले हात पारे । भेट्रान्स भलिबल प्रतियोगितामा नेप्लीज रिक्रियशन क्लबले प्रथम स्थान प्राप्त गर्यो ।
अजी फाईनान्स मुख्य प्रायोजक रहेको सो प्रतियोगितामा बिजेताहरुलाई ट्रफी, पदक र प्रमाण पत्रको साथमा पहिलो भएको टिमलाई ३ हजार ५ अष्ट्रेलियन डलर प्रदान गरियो भने दोश्रो र तेश्रो स्थान प्राप्त गर्ने टिमलाई क्रमश १ हजार ५ सय ५ र ५ सय ५ अष्ट्रेलियन डलर प्रदान गरियो । प्रतियोगिताको फाईनल खेल पछि सम्पुर्ण बिजयी खेलाडि, अफिसियल रेफ्री तथा शुभचिन्तक हरुलाई प्रमुख अथिति अजि फाईनन्सका प्रबन्ध निर्देशक बिष्णु हमालले पुरस्कार ,ट्रफी र प्रमाण पत्र प्रदान गरे ।
नेपाल न्यूजसंग कुरागर्दै अजि फाइनान्सका प्रबन्ध निर्देशक बिष्णु हमालले सामाजिक सद्भाव कायम गर्ने र समाजमा एकता कायम गर्ने यस्ता खालका कार्यलाई सहायोग गर्नु आफुहरुको सामाजिक दायित्व भएको र त्यसलाई निर्वाह गर्न सदैव ईमान्दार प्रयास गर्ने बताए । उनले अजि फ़ाइनान्सलाई यो अवसर प्राप्त भएकोमा आयोजक सस्थालाई धन्यबाद दिदै आगामी दिनमा पनि यस्ता खालका प्रतियोगिताहरुमा अजि फ़ाइनान्सको साथ र सहयोग रहने उल्लेख गरे ।
आयोजक द गोर्खा स्पोर्ट्स क्लबका अध्यक्ष दिपेन्द्र राईले प्रतियोगितालाई भब्य र सभ्यका साथ सम्पन्न गर्न सहयोग पुर्याउने सबै प्रति धन्यबाद व्यक्त गर्दै खेलकुद र भलिबल क्षेत्रमा क्लबले आगामी दिनमा अझ बिस्तार गर्दै जाने प्रतिबद्दता जनाए ।